web analytics
Makhdoom mohiuddin

Badh Gaya Baada-E-Gul-Gun Ka Maza AaKHir-E-Shab Makhdoom Mohiuddin

Makhdoom Mohiuddin’s poetry “Badh Gaya Baada-E-Gul-Gun Ka Maza AaKHir-E-Shab” from Book : Kulliyat-e-Makhdum Muhi-ud-din (Pg. 193)

Badh Gaya Baada-E-Gul-Gun Ka Maza AaKHir-E-Shab

Badh Gaya Baada-E-Gul-Gun Ka Maza AaKHir-E-Shab Makhdoom Mohiuddin

baDh gaya baada-e-gul-gun ka maza aaKHir-e-shab
aur bhi surKH hai ruKHsar-e-haya aaKHir-e-shab

manzilen ishq ki aasan huin chalte chalte
aur chamka tera naqsh-e-kaf-e-pa aaKHir-e-shab

khaTkhaTa jata hai zanjir-e-dar-e-mai-KHana
koi diwana koi aabla-pa aaKHir-e-shab

sans rukti hai chhalakte hue paimane mein
koi leta tha tera nam-e-wafa aaKHir-e-shab

gul hai qindil-e-haram gul hain kalisa ke charagh
su-e-paimana baDhe dast-e-dua aaKHir-e-shab

hae kis dhum se nikla hai shahidon ka julus
jurm chup sar-ba-gareban hai jafa aaKHir-e-shab

isi andaz se phir subh ka aanchal Dhalke
isi andaz se chal baad-e-saba aaKHir-e-shab

Related: For more Famous poet keep visiting us & Enjoy online poetry

Tags

Related Articles

Leave a Reply

Your email address will not be published. Required fields are marked *

Back to top button
Close