Makhdoom Mohiuddin wonderful ghazal “Ek Tha Shakhs Zamana Tha Ki Diwana Bana” lets enjoy the poetry given below
Ek Tha Shakhs Zamana Tha Ki Diwana Bana Makhdoom Mohiuddin
ek tha shaKHs zamana tha ki diwana bana
ek afsana tha afsane se afsana bana
ek pari-chehra ki jis chehre se aaina bana
dil ki aaina-dar-aina pari-KHana bana
KHema-e-shab mein nikal aata hai gahe gahe
ek aahu kabhi apna kabhi begana bana
hai charaghan hi charaghan sar-e-ariz sar-e-jam
rang-e-sad-jalwa-e-jaanana sanam-KHana bana
ek jhonka tere pahlu ka mahakti hui yaad
ek lamha teri dildari ka kya kya na bana
Related: For more Famous poet keep visiting us & Enjoy online poetry
