web analytics
Famous PoetMakhdoom mohiuddin

Raushan Hai Bazm-E-Shoala-Rukhan Dekhte Chalen Makhdoom Mohiuddin

Makhdoom Mohiuddin’s poetry “Raushan Hai Bazm-E-Shoala-Rukhan Dekhte Chalen” from

  • Book : Kulliyat-e-Makhdum Muhi-ud-din (Pg. 192). Lets enjoy the poetry given below.

Raushan Hai Bazm-E-Shoala-Rukhan Dekhte Chalen

Raushan Hai Bazm-E-Shoala-Rukhan Dekhte Chalen Makhdoom Mohiuddin

raushan hai bazm-e-shoala-ruKHan dekhte chalen
is mein wo ek nur-e-jahan dekhte chalen

wa ho rahi hai mai-kada-e-nim-shab ki aankh
angDai le raha hai jahan dekhte chalen

sargoshiyon ki raat hai ruKHsar o lab ki raat
ab ho rahi hai raat jawan dekhte chalen

dil mein utar ke sair-e-dil-e-rah-rawan karen
aahon mein Dhal ke zabt-e-fughan dekhte chalen

kaise hain KHanqah mein arbab-e-KHanqah
kis haal mein hai pir-e-mughan dekhte chalen

mazi ki yaadgar sahi yaad-e-dil to hai
tarz-e-nashat-e-nauha-garan dekhte chalen

sab waswase hain gard-e-rah-e-karwan ke sath
aage hai mishalon ka dhuan dekhte chalen

aanchal se uD rahe hain fazaon mein dur dur
shayad wahi ho jaan-e-butan dekhte chalen

aa hi gae hain raqs-gah-e-gul-ruKHan mein hum
kuchh rang-o-bu ka sail-e-rawan dekhte chalen

Related: For more Famous poet keep visiting us & Enjoy online poetry

Tags

Related Articles

Leave a Reply

Your email address will not be published. Required fields are marked *

Back to top button
Close